Almennir skilmálar

Almennir skilmálar um notkun vefsíðunnar E-skjöl

Notendaskilmálar þessir ná yfir innskráningu og notkun á þjónustu E-skjala þ.e. þessarar vefsíðu.

Eftirfarandi viðskiptaskilmálar eiga við um vefsíðuna, óháð því hvaða þjónustu þú nýtir þér og hvort sem þú ert kaupandi eða seljandi. E-skjöl áskilja sér rétt til þess að breyta þessum skilmálum fyrirvaralaust. E-skjöl ehf. bera enga ábyrgð umfram það sem tiltekið er hér. Stangist ákvæði þessara skilmála á við ákvæði sértækra skilmála er lúta að kaupum eða sölu gilda sértæku skilmálarnir.

Allt innihald, texti, grafík, lógó, forritunarkóði og hugbúnaður á eða í tengslum við vefsíðu E-skjala tilheyrir E-skjölum ehf. Sá réttur er varinn af íslenskum og alþjóðlegum lögum. Afritun, birting eða áframsending án skriflegs leyfis E-skjala ehf. er með öllu óheimil. Notendum er einnig óheimilt að breyta, leigja, lána, dreifa eða selja nokkurn hluta af þjónustunni eða hugbúnaðinum, að hluta eða í heild.

Notandi skuldbindur sig til að gera ekkert sem skapað getur E-skjölum eða söluaðilum okkar skaðabótaskyldu í tengslum við notkun á þjónustunni eða vefsíðunni.

Þeir sem bjóða fram þjónustu sína á vefsíðunni skulu vera lögmenn (eða hafa verið lögmenn á síðustu fimm árum), lögfræðingar eða aðrir hæfir aðilar eða fyrirtæki sem E-skjöl ehf. samþykkja. E-skjöl ehf. áskilja sér rétt til þess að útiloka notendur sem brjóta gegn einhverju ákvæði þessara notendaskilmála. E-skjöl ehf. áskilja sér fullan rétt til þess að kjósa að samþykkja ekki nýjan notanda.

Gögn sem notandi setur inn á vefsíðuna teljast eign notandans og notandi hefur fullan yfirráðarétt yfir gögnunum. E-skjöl ehf. hafa engu að síður rétt á að eyða gögnum sem talin eru skaðleg fyrir kerfið eða sem ekki uppfylla gæðakröfur eða eru ólögleg samkvæmt íslenskum lögum.

Einungis E-skjöl ehf. hafa yfirráðarétt yfir grunnkóða, hönnun og öðru sem tilheyrir vefþjónustunni. Í því felst að notanda er hvorki heimilt að breyta, afrita, selja áfram né á nokkurn hátt sýsla með þjónustuna án þess að fyrir liggi skriflegur samningur við eiganda þar að lútandi.

Heimild til þess að stunda viðskipti og njóta fulls aðgangs að allri þjónustu sem E-skjöl miðla fer eftir því með hvaða réttindi notandinn er skráður. Verð á þjónustu er ákveðið af seljanda en E-skjöl ehf. áskilja sér rétt til að breyta því, eftir að hafa ráðfært sig við seljanda.

E-skjöl ehf. munu gera sitt besta til að halda vefsíðunni og þjónustunni óraskaðri, villulausri, nákvæmri, öruggri, virkri og áreiðanlegri. E-skjöl ehf. bera hins vegar ekki ábyrgð á mögulegum villum eða skorti á upplýsingum, né heldur afleiðingum þessa, sem ekki hljótast af grófri vanrækslu eða ásetningi E-skjala ehf.

E-skjöl ehf. munu sjá til þess að upplýsingar um notandann sæti ekki misnotkun, sölu eða flutningi með einhverjum leiðum til utanaðkomandi þriðja aðila, sbr. persónuverndaryfirlýsingu E-skjala.

Sú þjónusta og þær vörur sem til sölu eru á vefsíðunni eru seldar og afhentar samkvæmt þeim skilmálum sem gilda hverju sinni um viðkomandi þjónustu. E-skjöl ehf. bera enga ábyrgð umfram það sem tiltekið er í hinum sértæku sölu- og afhendingarskilmálum.

E-skjöl ehf. áskilja sér rétt til þess að breyta þjónustunni eða vefsíðunni fyrirvaralaust, og að breyta skilmálum um notkun á þjónustunni eða vefsíðunni. Skilmálarnir eru birtir með fyrirvara um hvers kyns prentvillur.