Einfaldur verksamningur um byggingaframkvæmdir

Þegar fara á í byggingaframkvæmdir er mikilvægt að fyrir liggi verksamningur sem skilgreinir nákvæmlega verkið, tímalengd þess og kostnað við það. Þetta gildir um smáar sem stórar framkvæmdir, til að mynda ef verið er að reisa bílskúr þá þarf að vinna eftir samþykktum teikningum, eins við endurbætur á húsnæði. Tiltaka þarf magntölur, einingaverð og framkvæmdarhraða ásamt framkvæmdargreiðslum. Einnig þarf að tiltaka heildarverð miðað við hvern áfanga sem framkvæmt er og heildar rúmmál þess sem byggt er. Einnig þarf að fylgja með afrit af lýsingu og teikningum og hvaða efni á að nota við framkvæmdirnar.