Skrá um hlutaeign og hagsmuni stjórnarmanna og framkvæmdastjóra

Á grundvelli 43. gr. laga nr. 138/1994, um einkahlutafélög, með síðari breytingum, er lögð sú skylda á stjórnarmenn og framkvæmdastjóra einkahlutafélags að gefa stjórn félagsins skýrslu um hlutaeign sína og sérstök réttindi og/eða hagsmuni. Til að fá betri yfirsýn er mælt með því að stjórn félagsins haldi skrá um hlutaeign og hagsmuni stjórnarmanna og framkvæmdastjóra í félaginu og geymi skýrslur og tilkynningar stjórnarmanna og framkvæmdastjóra með yfirliti þessu. Þetta yfirlit einfaldar allt eftirlit stjórnar þar sem það er skráð inn og uppfært reglulega þegar breytingar verða.